Meghalaya nung NCP candidate ka khaset

Williamnagar/Guwahati, Tsüklai 18 (Agencies): Meghalaya kübok Samanda tesem nung taonung 7:50 ako meta NCP candidate ka den security guard ana khaset ta osang angazüker.
NCP candidate ji Jonathan N Sangma ta jangjaogo aser pa ya Sobokgre o Nabokgre nung election nüboyimba sentong nung dener Williamnagar-i meyipa aodang lendongji atalok.
Ano, osang ka ajanga Sawilgre Samanda nunug IED ka pokdaktsüdang gari ka nung mena alir ajak pokset ta ashi saka iba dak sendakba osang indang kuli tejangja kecha mali.
“NCP candidate Jonathon Sangma nem vote agütsürtem tepsettsü” ta taoba mapang iba tesem nung osang kar prokshia liasü.