Mei mapang yimra anepaluyim tasa kar

Mei mapang nung nisung aika yimra wara agi shiranger. Ajioda doctor dangi sen indoka mouaka kidang junga anepalura yakta taneptsü angur.
Ajisüaka yimra den temang kanga metaa teküp nung küplen adokra doctor ajurutsüla.
Kidang yimra anepaluyim kar:
* Apple Cider Vinegar (ACV): Apple cider vinegar spoon ka tzü marok ka nung meyokteper ajemtsüla, nai iba nungji ninang mojitzü-a inoksemer ajemtsü akok. Yimra majung tashi anogoshia Apple Cider Vinegar aser tzü meyopktepbaji marok anabo ajemtsüla. ACV ajanga asen temang nung alkaline adokdaktsür aser ibaji ajanga virus aser bacteria melamela tepseter.
* Süngmok: Süngmok inch tesadang ka shi lensar tzü tatsük nung minute ishika medena yuang, iba sülen ninang mojitzü den meyokteper jemang. Yamaji anogoshia anaben-asemben shi jemang. Süngmok nung anti-inflammatory aser antiviral properties aliba ajanga teni telung awakwa ajema kümdaktsür aser tango sashitsü sadema kümdaktsür,
* Lasüng den lemon: Lasüng tejang ka, lemon tzü spoon ishika, ninang mojitzü spoon ka aser chilli powder spoon tesadang ka shi meyokteper ajemtsüla. Lasüng yagi virus aser bacteria anema rarar, iba ya ajangsa immune system tashi itdaktsür aser temang nungi toxins indokba nung yarir.
(Source – Internet)

You must be logged in to post a comment Login