Memejangdang

-Temjentenzük, Kohima.
Ni memejangdang
Kü mapa atemsüla.
Ammangi sangwa küma
Kü tsüngnep
Tilatiba ka dang süaka
Doktsütsü nendaka ni inyaktsüla.
Anü mai dangsa
Jara nungji noksa ateptsüla.
Tejak ashirepa makümdangsa
Tarutsü jakzük ajangzüktsüsa
Ni metsü proktsüla.
Ni azümesena malitsüla
Ayong külen matongdangsa
Kü lima Kalinga rara ama makümdangsa
Kü shisa enzüka agütsütsüla.
Ni kechi angur aser angashir
Iba nungi atsüngzüka malitsüla.
Kü azü ajak konga makümdangsa
Ni tashi itta alidangsa
Ni ola adoktsüla
Kü lima ajungtsü atema.
Asen lenmang-
Meimmetu mesüra sen penpuba masü;
Tesembatep mesüra tenükmeremba masü;
Azümesenba mesüra ali jangratem bushiba masü;
Prangpong mesüra azütokshiba masü.
Tenük mesepshi nung
Künübo ajak nokdaktsü
Tsüngrem tsüngdang.
Tatem nungbo
Temeim aser ochi
Yimjung aser tesünep
Agi dang Tsüngrem mulung chidaktsütsü.

You must be logged in to post a comment Login