Metsü tako achiba kija agi tzürar masü

London, July 18 (Agencies): Asenoki metsü tako achiba agi kanga tzürar ama bilemer saka tzü tali ajemba ya metsü tako achiba kija agi masü, ta bushisüngdang ka ajanga ngutetogo.
“Asenoki bilemer, metsü tako achiba agi tzü tali ajemer aser asenoki tanang aketba tajemtsü aika jemadoker. Ajisüaka iba tebilemba ya kanga shitakbo masü, ta onoki bushisüngdang ka agiba ajanga ngutetogo,” ta University of Haifa nungi Micah Leshem-i ashi.
Leshem-i ashiba agi metsü tako achiba ajanga calorie tali aliba tajemtsütem onsara ajemer, ta nguteta lir aser ibaji ajanga temang nung temo tali akümer.
Iba bushisüngdang nung nisung 58-i shilem agia liasü. Leshem-i metsü aketba chiyungtsü o tajemtsü chia ajemer aser metsü maliba chiyungtsü o tajemtsü chia ajemer telemsa balala tendanga liasü.
Iba sülen metsü aketba o maketba chiyungtsü aser tajemtsü chia ajemer ajak tzüraba yimya den tzü ajemba yimya kecha tepila mali, ta iba bushisüngdang ajanga jangja- jangja puteta liasü.

You must be logged in to post a comment Login