Mezüngbuba Scottish Portrait Awards sentong kaogo

Edinburgh, November 03(Agencies): Edinburgh nung tang mezüngbuba Scottish Portrait Awards 2017 sentong kaogo, aser iba sentong nung Glasgow nungi artist, Helen Wilson-i fine art award aser Edinburgh nungi Robin Gillanders-i photography nung Richard Coward award agizüka liasü.
Tang mezüngbuba awards atema Scotland nung asortem, alirtem mesüra azünger fine artists aser photographers atema lapokja liasü.
Fine art award angur nem senpet pound sen 5,000 aser photography award angur nem sen 2,000 agüja liasü, aser item awards atema nisung 500-i tenüng agüja liasü.
Tetendangertemji nüngtugu artist aser kaketzülur, John Byrne, award angur portrait artist Jennifer McRae, Stills Gallery nungi Ben Harman aser contemporary artist Gordon Mitchell nunger liasü.
Item tetoktepba nungi fine art aser photography noksa 60 shima Scottish Portrait Awards Exhibition nung sayatsü aser ibaji Edinburgh nung December 2, 2017 nü tashi sayutsü.