Mizoram nung Rohingya Muslim tem mita repranger

Aizawl, September 19 (Agencies): Rohingya Muslim telungpurtem aser refugee tem Mizoram-i arutsü akok ta arentaka bilemba agi Assam Rifles-i Mizoram-Arakan (Myanmar) arrtsü anasa security akangshiogo.
Centre aser state sorkar nungi intelligence agencies den Mizoram police o paramilitary forces tem senden aika amenba sülen Myanmar den arrtsü anasa security maparen meyipa reprangshimtsü lemtet, ta home department ketdangser kati ashi.
“Tang tashi nung Rohingya Muslim ka danga Mizoram telungi aita mali” ta paisa shisem.
Mizoram-i Myanmar den kilometer 404 aser Bangladesh den kilometer 318 international border lir.
Tawa tu Myanmar kübok Arakan nungi Khristantem teimba sür refugee 170 shi Mizoram nung arua jenok aser parnok state anüolentip tsütsü yimtsüng kar nung anenzüka lir, ta ketdangserisa shisem.