Mkg nung CLSS indang workshop sentong ka agi

Dimapur, Nov. 18 (TYO): Pradhan Mantri Awas Yojana Housing For All (Urban) kübok Credit Linked Subsidy Scheme (CLSS) indang State Level Workshop ka hotel Metsuben Conference Hall, Mokokchung nung November 13, 2017 nü nung Housing and Urban Development Corporation Limited (HUDCO) aser Department of Municipal Affairs, Govt. of Nagaland, Ministry of Housing and Urban Affairs, Govt of India senteper ashijunglem ka ayongzüka liasü.
Iba ashijunglem nung Town 12 nungi Administrators tem aser Bank Officials aru-a temoatsü ngua agi-a liasü. Aser iba sentong nung Dr. Deka Regional Chief HUDCO, Dimapur aser Mr. Kijum Jini AGM, HUDCO shisalen sayur liasü.
Iba sentong tenzüka Ms. Kevilenuo Solo, Assistant Director, Municipal Affairs aser Nodal Officer- PMAY-HFA (U) ajanga Mission nükjidong aser inyaktsüren lemsatep. Tongtibangba senden (main session) nung Dr. Deka Regional Chief, HUDCO ajanga Credit Linked Subsidy Scheme mission inyakyim asen inyakba lemsatepa HUDCO ajanga Mizoram State CLSS ajanga interest subsidy meshiba ama agutsüba maparen takok ngua inyakdar, anungji Public Lending Institution (PLIs)-i mera tasen agia telongjem nung iba scheme takok ngua aotsü ajungshia liasü.
O lemtepba mapang nung Bankers temi Nagaland nung customary ozüng ajanga primary security atema mortgage asütsü tasak akumer ta shia liasü saka Dr. Deka-i ashiba agi, Residential Permit beneficiary nem Mokokchung town nung agutsüba o aliba asen sorkar mapa nung alir talisa MIG-I aser MIG-II category nung alir nem agutsü nung aji agi peritsü ta shia liasü.
Paisa iba scheme ya 2019 tashi atsüdtangtsü shisemba den kulemi Chief Secretary Nagaland-i taoba SLBC senden nung tetuyuba agutsüba ama Municipal Affairs Department. ajanga MoA draft ka Government nem maparen atema agutsügo ta shisem aser iba maparen atema SLBC taruba senden nung O entepba (discussion) tajung ka akatsü tebilemba lemsatepba liasü.