Mkg nung Sept 21-23 Inter-Sec & Hr Sec School football tournament asayatsü

Mokokchung, Sept 19 (TYO): Mokokchung District Football Association (MDFA)-i ayongzüka Mokokchung district kübok inter secondary & higher secondary school football tournament ka September 21 nungi 23 tashi yangi Imkongmeren Sports Complex Mokokchung nung akatsü sentong renemba osang ka ajanga metetdaktsüogo.
Taküm iba asayamung nung school 11-i shilem agitsü. Iba asayamung tenzükba sentong September 21 nü Imkongmeren Sports Complex nung alitsü aser iba asayamungji Dy. District Education Officer Mokokchung Wt. Sentinenla-i tenzüktsütsü, ta MDFA osang ajangasa metetdaktsü.