Mkg town nung yimkong nübodoka mapa inyak

Swachh Bharat Mission kübok MMC-i ayongba yimkong nübo tsüka mapa inyakba sentong nung Watsü Mungdang volunteer-temia MMC shopping complex nung atem aser jaratem meyua aoba mapang tangokba noksa nung angur. Mokokchung, September 09, 2017.

Mokokchung, September 09 (TYO): Swachh Bharat Mission mapatong kübok Mokokchung Municipal Council-i ayongzüka Honibarnü yimkong nübo tsüka Mokokchung town ajak merükteta mongogo.
Tanü mapa inyakbaji tongtibangsa ward shia nung pei alidak merükmejuba den ano town temeket lenmang anasa ai meyia alibatem aser kilentzütem merükteta liasü, aser gari jajatsü mesademi aliba lenmang tapoktem (potholes) ali-lung toka nembanga ao.
Ward balala nung ward yimdeni anir merükmejuba mapatem inyak aser Mokokchung district Swachh Bharat Mission ambassador-temia ward balala semdanga tim ketdangsüba mapatem inyaka jaja. Iba den ano, Watsü Mungdang nungia nübo 60 shii shilem agia MMC Complex merüka liasü.