Mmhonlumo Kikon-i Tokhu Emong nung nübortem ayongzük

Dimapur, November 7 (TYO): November 7, 2017 nü Bhandari Town nung Lotha nunger benjung Tokhu Emong ayongzüka amung.
Iba benjungmung nung tongti tesemdangerji Geology, Mining & Border Affairs Minister, Mmhonlumo Kikon liasü.
Mmhonlumo-i o jembidang Chief Minister indang salem osang metetdaktsü.
Paisa, nübortem dang longjemtsü tayongzükba agütsüba den Naga yimten tebilemtsü atema bendanga agütsütsü ashi.
Iba sentong nung Chumbemo Khenchung-i Tokhu Emong teratet metetdaktsü, LLRPO President Elithung Odyuo aser ADC, Bhandari, Nchumbemo Odyuo nato o tatsütsü jembi aser Lio -Longchum Village o 7th NAP Bn. nungertemi sobaliba ken aten.
Sentong nungsa Treasure, Tokhu, Anithung Mozhui-i anküp tepela o jembi aser iba benjung nung arr atsütepba, molok atakba tetoktepba aser sobaliba saisapongtem asayaa liasü.