Mobile phone alitsü atema tanur kati teyi aser kinungbo na tepset

Aizawl, July 15 (Agencies) : Aizawl nung arishi küm 16 tain tebur kati mobile phone ka alitsü atema pa teyi aser tebuba na tepseter sen 36,000 auya, ta police-i metetdaktsü.
Mongulbarnü tanubosang jagi Juvenile Justice Board dang pai July 7, 2015 nü apuani na tepset aser tena indang sen 36,000 auyaba nangzükogo, ta Aizawl district SP, C Laldina-i ashi.
Iba tatalokba sülen police-i tanubosangji apu, ta Laldina-isa shisem.
Pa shikari senzütsü atema pa ket nung prangpong ka liasü aser pa mobile phone ka alitsü atema teyi ket nung sen aliba rakzüktsü mulungtet, ta tanubosangi Juvenile Justice Board dang ashi.
“Pai teyi tebubaji prangpong jagi khaset aser teyiji süng ka agi zükset” ta tanubosangisa nangzük.
Apuani naji tawa tu sorkar nungi sen 66,000 angu. Iba ya sorkar sentong New Land Use Policy kübok anguba liasü aser tenati sen 30,000 shi amshir anünga alibaji tanubosangi auya.

You must be logged in to post a comment Login