Mokokchung Circle Ao Officer Telongjem-i metetdaktsür

Dimapur, December 5: December 7, 2017 anogo Fazl Ali College Conference Hall nung nikongdang 12 ako tesadang (12:30 PM) nung MCAOT senden ka jatepa lir, anungji Aor Officer ajak iba senden nung medema arua adentsü mepishia metetdaktsüogo.
MCAOT tetezü Mokokchung Circle Ao Officer Telongjem. Iba telongjem nung ya Mokokchung den tanüngba district 4- Zunheboto, Longleng, Tuensang aser Mon district- nung Aor Class-I aser Class-II officer-tem ajak züngsem ka ka lir.
Anungji züngsem shirnoksa MCAOT nung tenüng züluoka züngsem maküm ajak senden agiba anogo December 7, 2017 nung senpak 500 (Lifetime membership) agüja tenüng züluoktsü mepishir.
District 5 nung inyaker officertem shirnoksa tenüng züluoka mali mesüra whatsapp group nung dena mali parnok dang züngsem kümer alirtemi osang agütsütsü teinyaktsü khuret ka ama inyakdi ta ayongzüker.
Iba senden nung Kohima Ao Officer Telongjem (KAOT) nungi mendenpur arua adentsü aser shisa lemsateptsü.
Nüngdakba osangtem tali tejangjaba nung lemsatepa angazüktsü atema item office bearers den tongteprateptsü metetdaktsür.
Shri Kilemsungba
Seasonal President, MCAOT & District Horticulture Officer, Mokokchung. PH. 87876 76970
Shri Imotangba
Seasonal Secretary, Information & Publicity MCAOT & Land Records & Survey Officer, Mokokchung, PH. 96127 13874
Er. Temsu Wathi Ao
Seasonal Secretary, MCAOT & District Informatics Officer NIC Mokokchung, PH. 94360 06284