Mokokchung jila küm 125 atema Core Committee senden alitsü

Dimapur, August 19 (TYO) : August 7, 2015 nü Mokokchung DPDB senden nung Mokokchung jila küm 125 ajungba benjungmung atema Core Committee ka tentet aser iba luden nung Deputy Commissioner, Mokokchung Chairman asütsü aser Sr. Superintendent of Police, Mokokchung member Secretary asütsü shimogo.

Iba dak sendakba nung August 21, 2015 anepdang 11:00 ako nungi ADC Planning Conference Hall nung senden ka alitsü jateper. Anungji züngsem ajak medema arua adentsü mepishir ta tanü sangdong ka nung metetdaktsü.