Mokokchung nung grade III & IV nungertem atema Medical Board alitsü

Dimapur, July 7 (TYO) : Mokokchung district kübok grade III & IV nungertem atema Medical Board sentong agitsü ta Mokokchung Chief Medical Officer, Dr. S.S.Akaba Longchar-i Mokokchung district nung office balala tekolak ketdangsertem dang metetdaktsüogo.
Service confirmation & invalidation atema Medical Board ji July 22 & 23, 2015 anogo nung anepdang 10:30 ako nungi Imkongliba Memorial District Hospital Mokokchung anasa District Programme officer (UIP & RCH) nung agitsü. Anungji department ajaki Medical Board matsüngdang arutsü mulungba grade III & IV staff tenüngtem jelia agütsütsü metetdaktsür, ta Mokokchung Chief Medical Officer-isa shiogo.

You must be logged in to post a comment Login