Mokokchung nung pension ajak DBT ajanga dang agütsütsü

Dimapur, November 19 (TYO): Directorate of social welfare, Nagaland, Kohima-i tuyuba nung ajemdaker National Social Assistance Programme (NSAP) kübok Old Age Pension, widow Pension aser disable Pension agirtem dang Nationalized Bank meshi ka mesüra Post Office nung account lapoktsü metetdaktsür, ta tanü District Welfare Officer
Mokokchung, Bendangkokba-i sangdong ka ajanga metetdaktsü.
Taruba nungibo pension sen ajakji Direct Benefit transfer (DBT) ajanga dang agütsütsü, anungji pension agi ajak dang tekaraba nung Aadhaar den sendaktepa Bank/Post Office account lapoktsü aser account Pass Book den Aadhaar photo copy ka District Welfare Office, Mokokchung nung agütsütsü metetdaktsür, ta sangdong nungsa shia lir.

You must be logged in to post a comment Login