Mokokchung nung VVPAT amshiyim sayu

Dimapur, November 7 (TYO): November 7, 2017 nü Mokokchung ADC (Planning) indang conference hall nung Voters Verifiable Paper Audit Trial (VVPAT) machine indang tesayuba agütsü.
Iba sentong nung Mokokchung district kübok AERO tem, VVPAT indang master trainers aser yimten teloktem den NGOs nungi teshimtet nübotem aden.
Sentong nung Mokokchung Deputy Commissioner, Sushil Kumar Patel-i tesentepertem ajak pelaa agizük aser pai ashiba agi, Election Commission of India (ECI)-i elections nung EVM den VVPAT amshitsü asoshi ozüng agütsüogo.
Asenoki VVPAT machine amshiyimji jungjunga metettsüla aser talisa Nagaland Legislative Assembly indang electiong tonga arur. Anungji tesentepertemi VVPAT amshiyim jungjunga angazüktsüla aser district kübok tesem balala nung iba training agütsütsü, ta DC Sushil Kumar-isa shisem.
FAC college, Mokokchung nung Asstt Prof. aser VVPAT master trainer rongnung ka Dr Temsu-i tesayuba agütsü.
VVPAT ya unit 2 dena aliba electronic machine ka lir. Iba nung ballot slips compartment aser status display unit keta lir aser machine ji EVM indang ballot unit aser control unit den sendaktepa lir.
Iba machine ajanga vote agütsürtem indang serial number aser parnoki agütsüba party tamaitsü indang noksa menüngtsü.