Myanmar arrtsü anasa Assam Rifles amak

Dimapur, Sepmteber 13 (TYO): NSCN(K) telungpurtem ta temulung melemi bilemertemi September 11, 2017 nü Indo-Myanmar arrtsü anasa Assam Rifles post ka amak, ta AR sangdong ka nung metetdaktsü.
Iba ya Dan, Nagaland nung atalok aser sepaitemi telungpurtem den khatepdang AR jawan (Rfn/GD) ka yiru. Pa Rangapahar MH-i anir aruogo aser idakji anepaludar, ta sangdong nunga shia lir.
Iba mapang tanga jawan ka teka yiru aser pa nem first aid agütsü. Tzünglu kanga aruba aser ammang asüba agi telungpur kwika aru’ar mejangjater aser parnok Myanmar aremleni jena ao, ta Assam Rifles sangdong nungsa shia lir.
Iba tatalokba nung telungpur kar yiru ta Unit osang ajanga ashi. Iba tesem nung magazines, injang aser M16 o AK indang injang tazüngtem ngutetogo, ta parnokisa ashi.