Na koda alir nai shisadangang

“Anungji asenok nisung shiai pei indang Tsüngrem dang osang agütsütsü.” – Rom 14: 12
Takarsang (Luk 16:19-31), pai tai shimba ajanga molumi nung ali. Yamaji alitsüsa pai tai ana inyak. Mezüngbuba nung, pai pa atema dang ajak rizüng, tarutsü alima nung lir külen alitsü taküm atemabo kecha merizüng.
Kodang aseni nükshiba agi peiji kokdaktsüdir, kanga lendong. Tanela nung telempet kümadoker, taküm ya alima nung alitsü atema dangbo masü ta aiben amadoker. Yisui ashir, “…kotak nung rizüngang … kong nü rongsen lir yangji nü mulunga lir.” (Mathi 6:20-21).
Tanabuba nung, takarsangi pa atema dang bilem, tangar atemabo pai mebilemtsü. Sensaker meshimetsür Lazar, takarsang kima nung pa langpang nungi tsükba tanüktari achitsü yongya liasü. Laishibai ashir, “Nü temulung ajak agi, aser nü nüla ajak agi, aser nü tashi ajak agi, aser nü mulungsentsü ajak agi, Kibuba nü Tsüngrem meimang, aser nai nü kiyonger pei ama meimang.” (Luk 10:27).
Tarutsü asenok tanela atema rizüngdar ama? Aseni tangar atema aria bilemja pei teinyaktsü inyakdar ama?
Sarasadem: Kibuba! Kü tanela nük lapokjang, temeim aser aria bilemba agi ku mulung süngdakjang. Kechiyong kenü kü osang Nü nem agütsütsü. Amen.