Nagaland Angh-i Durga Puja salem abener

Kohima, October 19 (TYO): Nagaland aser Assam Angh, P B Acharya-i Durga Puja aser Dussehra tepela benjung salem nüburtem dang sangdongogo.
Sangdong ka ajanga Angh, Acharya-i, “Maa Durga ya kanga sapua külemba Shakti tsüngrem ka lir” ta ashi.
“Durga tetezü, ajurutsü kanga tasak, la ya alima ajak tetsü ka asübayong, la ya temeim, rongsen, tashi, tobur-ajung aser tajung ajak aliba ka ama züngshir,” ta Angh-i ashi.
Angh-isa, nüburtem dang Mother Durga dang mokrema külemang aser yimjung, tepela aser adianu temeimtep tangatetba nung Durga Puja aser Dussehra benjung chichia amungtsüla, ta ayongzük.