Nagaland Baptist Church Council-i aitsür

Dimapur, Tsüklai 19 (TYO): Mokokchung aser Wokha nungi election nung tokteptsüpur candidate tem taküm samatsütsü merangba tasalendong tamajung inyakba asoshi Nagaland Baptist Church Council (NBCC) ajanga aitsür. Anogo ishika dang lir agitsü aliba election dak sendakba nung azüdokshia aser rongrongshirongba ya temzüng aser ozüng anema lir. Anungji political party ajak, police aser sorkari saksalema state nung iba ama lendong madoktsüsa inyaktsü mepeshir, ta NBCC Clean Election Campaign nung Convener, Rev. Dr. Mar Atsongchanger ajanga sangdong ka nung metetdaktsü.
Maneni nüburtem ajungai tarutsü nung azüdokshi madokdaktsütsüsa tangatettep nung inyaktsüla, ta NBCC ajanga shisem.
Maneni NBCC ajangasa amangbapur ajak dang candidate tem nem Tsüngremi tanükba agüjang aser election tiptema agitettsüsa mapa inyakang, ta sarasademtsütsü ayongzük.