Nagaland nung Cable TV Digitisation workshop agi

Dimapur, September 29 (TYO) : September 29, 2015 nü IPR conference hall, Kohima nung Information & Public Relations (IPR) Department-i cable TV Digitisation workshop ayongzüka agiogo.
Secretary, IPR & State Nodal Officer of Digital Address System (DAS), N. Hushili Sema IAS-i o jembidang ashiba agi, digitization ya nüngdakba ajiteta shilem balala lemsar inyaktsü.
Cable nung digitization ajanga spectrum bandwidth tajungba kümdaktsür aser ibaji ajanga cable nung channel timba abentsü akoker. Iba ya ajanga cable operator nungi set top box ka ajanga signals angur, ta laisa ashi.
Hushili Sema-isa Cable TV Service inyakyim, Telecom Regulatory Authority of India (TRAI) tetuyuba indang osang metetdaktsü.
Sentong nung Joint Director Tokishe Sema-i powerpoint presentation ka ajanga District Monitoring Committee indang teinyaktsütem metetdaktsü aser Cable TV channels nung sayuba mita reprangtsü aser ashishitep onüktem lemsateptsü atema forum ka tentettsü tetuyuba agütsü.
Tokishe-isa website www.mib.nic.in indang metetdaktsü aser ano public-i TV operators dak sendakba osangtem ashitsü atema tongteprateptsü ayongzük.
Workshop nung shisalen sayur District Public Relation Officer Dimapur, Lolano Patton-i District Nodal Officers indang teinyaktsütem metetdaktsü.
Cable TV digitilisation nung ashishitep kecha malitsü inyaktsüla aser Ministry of Information & Broadcasting den Cable TV network registration asütsüla, ta Lolano Patton-isa ashi.
Tanü sentong nung mendenji Additional Director Limawati liasü, Director, IPR, Pausui Zeliang-i tesentepertem pela agizük aser Joint Director, Dominic Yazokie-i anküp tepela o jembi. Sentong nung District Nodal Officers aser Nagaland tesem balala nungi MSOs aser LCOs cable operator nungertem aden.