Nagaland nung home guards volunteer 217 takok nguogo

Dimapur, December 6 (TYO): Bodbarnü Central Training Institute (CTI), Toluvi, Dimapur nung 21 batch Home Guards Volunteers cum Home Guards & Civil Defence Annual Raising Day amung.
Iba sentong nung anogo 60 tashi training agiba sülen home guards volunteer 217 pass süogo.
Home Guards aser civil defence ajanga tanü shilem tajung agir aser India sorkaria lendong-tsüdong nung yariteptsü atema NDRF/ SDRF tajungba kümdaktsütsü meranger, ta Home Guards & Civil Defence Parliamentary Secretary, Namri Nchang-i ashi.
Nagaland nung alima lendong balaka matalok aser iba jagi nisung taküm aser kiojentem raksaba kangabo mali. Ajisüaka, iba yagi sorkar mesüra department yimbazüa mekazütsüla aser sendaktepa aliba department tem den administration aser police-i renema alitsüla, ta Nchang-isa ashi.
Iba sentong nung CTI Commandant, Tali Jamir-i ashiba agi, district 11 prongla nungi volunteers/recruits 217 tashi anogo 60 sülen passed out asür.
Parnok nem gun handling, disaster management, fire incident, law and order, traffic control amala tesayubatem agütsü, ta paisa ashi.
Iba sentong nung Director General, Home Guards & Civil Defence, L Singsit (IPS)-i parade contingents reprang.

You must be logged in to post a comment Login