Nagaland Press Association-i aitsür

Dimapur, Sept. 13 (TYO) : September 12, 2017 anepdang Tseminyu kübok Kandinu yim anasa nisung tamajunger kari Nagaland Post osangkaket abenba gari soiter gari anishisang taküm dena samatsütsü ta amokmerenba mapaji kanga sashia aitsür ta tanü sangdong ka nung Nagaland Press Association (NPA) teloki metetdaktsüogo.
Iba amai osangkaket abenba garitem nem timtem agütsüba mapa ya Nagaland nung osangtsüsang adokertem anema inyakba mapa ka lir, anungji item ama ozüng raksartem dakji ozüng amertemi aser iba lushi kibur yimteni dena tapet temerenshi agütsütsüla aser iba lenmang nung jajartem tetsübu makai jajatsüsa lenmangji nisung tamajunger ket nungi kümzüka ayutsüla ta NPA-isa metetdaktsü.