Nagaland team-i gold medal 3 densema medal 16 kokteta lir

Karimganj, Aenjeti 9 (TYO): DSA, Karimganj nung tang tasayadak, 4buba Northeast Taekwondo championship nung Nagaland team puri gold medal asem densema medal 16 kokteta lir.
Nagalang nungi asayar Neikhozo Naprantsu-i Tentonü nikongtsütsü seret 33 kübok cadet boys asaya nung Nagaland atema mezüngbuba gold medal kokteta liasü.
Hinglakbo Nike-i seret 45 kübok cadet boys asaya nung gold medal tanabuba angu aser Zakieneikho Peseyie-i seret 65 dak tema asaya nung tasembuba gold medal angu.
Maneni Nagaland team puri silver medal 4 aser bronze medal 8 koktetogo, aser tang tashi nung jenjang balala nung takok anguba ajak senteper medal 16 kokteta lir.
Iba asayamung ya North-East Taekwondo Union (NETU) kübok Karimganj District Taekwondo Association puri ayongzükba lir.
Iba asayamung nung Nagaland Taekwondo Association (NTA) tenüng nung team kübok parnok 45-i oa shilem agidar aser iba asayamung ya Rasemnü tembangtsü.
Northeast state trok- Assam, Arunachal Pradesh, Manipur, Mizoram, Meghalaya Nagaland aser SSB team nung asayar ajak agi parnok 232 aser ketdangser parnok 25-i iba asayamung nung shilem agidar, ta sangdong ka ajanga metetdaktsü.