Nai maneni Yi tajungji anganüang

“Nisung ajaki tamasa yi tajungbaji anganür aser nisungtemi aji jemshia jemer kulenang tamajungbaji anganür; saka tang tashi nai yi tajungbaji ayu. ” (Yohan 2:10)
Iba lai nung tongtipangji Yisüi Kana yimtak kiyir benjung ka nung tzü agi yi kümdaktsu, aser ibaji Pai mezüng sayatenya inyakba ta ashir. Saka tongtipang 0 kaji, benjung ketdangsübai jembiba 0 ka lir, aser aji, “tang tashi nai yi tajungbaji anganür.” Tajungji tatem tashi aliba, tajung merosepba, tajung magimaba. Ibai osang tajung ka masü na?
Nisung aika taküm nung tenzükdanger saka junga metempangtetba angutsu tanela mapa jangraseta tenzükdanger saka mezülongi remsepba odaktsür; Kibubar mapa nung junga tenzükdanger saka anenerbo ana aki yimya nung dang lia aoer; sentepi meranga aotsü telemtetba agir, saka meülongi azümesenba mesüra pei mapa tuluba kümdaktsür sentep senshi mejangrai kuma aoba. Anungji, itemji mezüngbo yi tajung anganü, saka tesülen ana yi tamajung anganüba den atishir. Aji asü nung, Kibubai mulungbaji tatem tashi tajung, temeshiba, taremzükba, tejungnü, aser ajemaluba tatem tashi anganütsu ajungshir.
Khrista dendaktsüba taküm aser mapa nungjibo teti tajungtibaji tatem tashi alitsü.
Sarasadem : Kibur Yisu, Nai imlaba ama junga tenzükbaji dang masü, saka junga tempangtsü nai yimlar. Tajung tatem tashi kü takum nungi anganütsü ni yariangma. Amen