NBSE-i school tem dang metetdaktsür

Dimapur, September 13 (TYO): HSLC aser HSSLC Examinations 2018 indang Application Forms academic calendar nung agüja aliba ama masü saka October 10-17, 2017 tashi nung agütsütsü, ta NBSE nung register süa aliba rejutem ajak dang osang metetdaktsüogo, ta DIPR sangdong ka nung metetdaktsü.
CCE Report Cards agüja aliba School tem ajaki Board indang Office nungi October 10-17, 2017 tsüngda agizüktsü metetdaktsür.
Form magütsüdang school temi aibelentem metongshir agütsütsü metetdaktsür. Form agütsüba mapang metongshitsüba magizüktsü,
Maneni, Board aser school tem tsüngda tongteprateptsü zübatsü atema e-mail lapoka maliba school temi tekaratiba nung lapoktsü mepishir aser Board indang website www.nbsenagaland.com nung osangtem metetpelatsü shisemer, ta DIPR sangdong nungsa shia lir.