NCA-i CB Trophy cricket asaya host asütsü

Dimapur, November 4 (TYO): November 5 nungi 8 tashi NCA Stadium, Sovima, Dimapur nung National Cooch Behar Under-19 Cricket Trophy asayatsüba lir, aser iba asayamung host asütsüba atema Nagaland Cricket Association pur renema lir.
Group-D nung Jammu & Kashmir U-19 aser Tripura Under-19 team na tsüngda anogo pezü asayatsü aliba ya Board of Control for Cricket in India (BCCI)-i aachayangtsü.
BCCI nungi officials aser asayartem November asem tashi nung Dimapur atongtsü.
BCCI-i NCA nem iba team ana tsüngda asaya Nagaland nung asayadaktsütsü asoshi temelaba agütsüba atema pelaba lemsatepdang, maneni Nagaland nung cricket asaya miemertem dang November 5 nungi 8 tashi anepdang 8:30 nungi asaya tenzükba arua reprangtsü asoshi mepishiogo.
Kasa mapang nung Nagaland Women Under-19 team November 3 nü BCCI-i aachayanga Dhanbad nung One Day tourney ka Sikkim Under-19 den asasyatsü asoshi renema lir. Nagaland tetsür team-i mezüngbuba asaya nung Manipur tetsürtem run 117 agi kokogo.

You must be logged in to post a comment Login