NCA-i U-23 Talent Search sentong agitsü

Dimapur, September 09 (TYO): Nagaland Cricket Association kübok tamalen tenüng züluoka alir aser September 1, 1994 sülen asortem shirnokisa cricket asayatsü jangrar, item nisungtemi Under 23 selection trail nung shilem agitsü asoshi NCA indang Cricket Development Committee nung Convenor, A. Rahman den tongtepratepang, ta NCA sangdong ka ajanga metetdaktsü. Iba sentong nung shilem agitsüpur ajungai pei district cricket association nungi ‘forwarding letter’ meshitsüla, ta kasa sangdong ajanga ashi.
Iba sentong nung shilem agitsü jangrartemi pei indang birth certificate, Aadhaar card aser Class X admit card copy kaka WhatsApp No. 9436006779 mesüra a_rahmanc@yahoo.com dangi September 15, 2017 anogo tashi nung yoktsü metetdaktsü.