NCDC-i North-East Region summit ayongzüka agi

Dimapur, August 21 (TYO) : August 21, 2015 nü Shillong nung National Co-operative Development Corporation for the North-East Region summit agiogo.
Iba sentong ya National Co-operative Development Corporation (NCDC) ajanga ayongzük aser Nagaland tenüng nungi Co-Operation Advisor, Imtilemba Sangtam-i anir aden, ta K James Vizo, General secretary-cum-spokesman, BJP Nagaland-i sangdong ka nung metetdaktsü.
Nagaland nungi Imtilemba Sangtam lenisüba kübok Chingmak Chang, Secretary, Imtilemba Longkumer, MD, Nagaland state Co-operative Bank & Registrar Cooperative Societies aser State BJP Party nungi K James Vizo, Spokesman, Yangoshe Sangtam, Vice President, Abu Virie state BJYM aser Chonben Yanthan, Member nungertem liasü.
Sentong nung tongti tesemdangerji Mohanbhai Kalyanjibhai Kundariya, Union minister of state for Agriculture & co-operation liasü aser tetushi süa jaoker Kiren Rijiju, Union Minister of state for Home Affairs-ia o tatsüka jembi.
Sentong nungsa Dr. Mukul M Sangma, Lalrinmawaia Ralte, Mizoram, K Jamatia, Tripura, aser HDR Lyngdoh, Meghalaya nungertemia o jembi.
Sentong nung Imtilemba Sangtam-i jembidang, Nagaland nung Naga yimten tebilemtsü ajanga Co-operative department-i tatongtsü metongteti lir ta ashi.
“Nagaland nung zünger mapa mangur timba kümogo aser iba khuret ya cooperative sector ajanga koktettsü merangtsüla,” ta paisa ashi.
Centre nung Narendra Modi-i aniba sorkari ajanga cooperative sector ajanga terenlok mapa bener arutsü atema lenmang lapoktsüogo aser itemji lanurtem asoshi entrepreneurship, Agri & allied sectors nung micro credit, aser department ajanga MARCOFED o cooperative units yanglushiba nungertem lir, ta Imtilemba-isa metetdaktsü.
Paisa, NCDC dang Nagaland Cooperation department nungi temelaba melii aruba cooperative project magizüktsü mepishi aser ano district pungu nung ICDP mapa küma inyaktsü asüngdang.
Item onüktem Union minister of State for Agri & allied-i agizük aser pai item mapa küma inyaktsü asoshi yariteptsü ta nangzükogo, ta K James Vizo-isa sangdong nung shia lir.

You must be logged in to post a comment Login