ND Tiwari temang tamajungba akumer

New Delhi, November 18 (Agencies): Congress lenir tain aser taoba mapang Uttar Pradesh aser Uttarakhand nung chief Minister inyaksang, Narayan Datt Tiwari temang tamajungba küma Honibarnü ICU-i anir ogo.
“Tiwari nem physiotherapy teyari agutsü, saka temang tamajungba aküm. Par jabaso Rohit Shekhar Tiwari-a pa den liasü. Pai Max Hospital nung aliba doctor team nem iba osangji metetdaktsü, iba sülen pa yangi aliba ICU kati anir ogo,” ta pa indang office sangdong ka ajanga metetdaktsü.
November 5 nü Tiwari temang tamajungba akümba sülen pa nem life support system agüja liasü. Arishi küm 90 dak tema tain lenir, Tiwari temang metaba aser pneumonia timtem agi atongba sülen October 26 nüa iba hospital nung aliba Intensive Care Unit (ICU) nung yaria liasü.