Ne teyimla kong lir ?

“Oh Israel, Kibuba dak yimla-ang. Kechiyong Kibuba dak temeim yimlibilem lir; aser pa dak talubosa tekümzük lir. ”  – T.Ken 130:7
Tanü alima nung teyimla makaba jenti dang lir. Kibong temeneni raksatsur, rongsenketsüng tamajungba akümba, ochir lenir agi anungba, tarutsü tia tajungba mongutetba aser iba ama tensa ka nung asen teyimla kong lir.?
Na asoshi kanga dang tekümdangtsü kaji iba ama tensa ka nung nai teyimla lir ta sür inyakba jagi teti tatem maka tejashitsü ang bener arutsütsü akar. Anungji na asoshi mezüngbuba teyimlaji Kibuba süang. Kodang nai na pel a-a alitsü asoshi rongsen nung yimladir mesüra lenir kar dak temulung lema yimladir iba lar ji akümer aser tesulenbo ne sasa teyimla melen tejashi bendenlokba ang asütsü akok.
Anungji alima aser yangji aliba ajak yanglusang Tsüngrem dak dang ne teyimla ajak yuangji sura tammang tia aser tens a tamajung ajak ajanga otetsü.Teti tatem maka teyimla nung Yisu sulen anidakdi.
Sarasadem : Kibuba, ni ne dak jenokdi aser ne dak dang yimla-a lidi. Amen.