NHHDC LTD-i ayongzükba Craft Bazar thinener

Dimapur, July 14 (TYO) : Kohima jila nungi kilometre 16 shi pilar Jakhama o Viswema yim tsüngda Honda City gari ka NH-29 nung yua aliba angu, ta Sub-Divisional Police Officer & PRO, Kohima-i sangdong ka ajanga metetdaktsü.

Iba gari indang sentsüji silver aser registration number ji NL-07-3779 lir. Police-i gariji Khuzama P.S-i bener ao aser NCRB database ajanga reprangdangdang 2006 küm iba gari ya Delhi nung sama ta bushitet.

NCRB database nung shia aliba agi iba gari indang shitakba registration number ji DL-3C-AK-1434 lir aser K.W Camp, Model Town, North West Delhi nung sama FIR benoka lir, ta Kohima Police sangdong nungsa shia lir.

Iba keno benoka aliba Police Station nung SHO-i gari indang kulikaket teperi bener arua Kohima Police ket nungi gari agizüktsü metetdaktsür. Gari indang registration number, kibur aser tesüiba record reprangtsü atema DTO Dimapur nung bushisüngdang südar, ta Sub-Divisional Police Officer & PRO, Kohima sangdong nungsa shia lir.