Nokia 8 Sirocco MWC 2018 nung sayatsü

Tsüklai 3, 2018 (Agencies): Taruba Barcelona Mobile World Congress nung HMD Global puri Nokia smartphone tasen ishika sayatsü asoshi renema lir. Phone tasentem rongnung Android Oreo (Go Edition) based Nokia 1, Nokia 4, Nokia 7 Plus, Nokia 8 (2018) aser Nokia 9 ta sayatsü imlar. Nokia puri item phone tem MWC officially metenzük tsüngda anogo ka jilia lia Tsüklai 25 nü sayatsü imlar. Mobielkopen sangdong ka ajanga ashiba agi, HMD Global pur taoba küm sayaba Nokia 8 2018 version ka yangludar aser tangbo iba phone ya Nokia 8 Sirocco ta ajatsü.
Iba website ajanga ashiba agi, parnoki iba osang ya source aika nungi bendenba lir. Iba smartphone ya Thai inspection service ka nung ‘Nokia 8 Sirocco’, model number TA-1005 ta keter adok aser mezüngbo iba ya Nokia 9 asütsü ta bilema liasü. US FCC certification puri ashiba agi, Nokia 9 ya model numbers TA-1005, TA-1042, aser TA-1009 nung arutsü asoshi imlaa liasü. FCC pur documents ajanga ashiba agi iba smartphone indang codename ya Avatar alitsü.
Olulu osang ka ajanga ashiba agi, Nokia 8 Sirocco nung LG Display-i yangluba 5.5-inch OLED display den Qualcomm Snapdragon 835 SoC, Android 8.0 Oreo, 128GB inbuilt storage aser RAM 6GB keta lir. Camera tsütsü iba phone reprangdangra Nokia 8 Sirocco nung dual rear camera setup ka keta alitsü imlar, kong camera ka 12-megapixel aser ka 13-megapixel ta keta alitsü. Maneni tejaklen 5-megapixel camera ka keta aliba angutsü. Iba phone indang battery tashiji 3250mAh asütsü.
Nokia 8 Sirocco dak alaka iba olulu osang ajanga Nokia 9 indang specifications imlabatem dena sangdongogo. Iba smartphone nung 5.5-inch bezel-less display den Snapdragon 835 processor keta alitsü imlar. Maneni operating system ji Android 8.0 Oreo asütsü. Nokia 9 nung battery tashi ji 3800mAH asütsü aser Qualcomm Quick-Charge 4 support asütsü. Iba smartphone tasenba nung 6GB RAM ka keta alitsü imlar aser iba den internal storage 64GB mesera 128GB keta alitsü akok.
Camera tsütsü Nokia 9 nung 12-megapixel dual ‘Carl-Zeiss lens’ camera ka tesülen aser selfie atema tejaklen 12-megapixel camera ka keta alitsü imlar. Nokia 9 aser Nokia 8 (2018) naprongla Snapdragon 835 chipset agi tashi agütsütsü aser tesülen dual cameras aser glass back keta alitsü imlar.

You must be logged in to post a comment Login