North Korea-i nuclear sentong anentsüla : Pence

Gangneung, South Korea, Tsüklai 09 (Agencies) : Alima ajungalen aliba nüburtem dang North Korea nunger nuclear sentongtem anema tesashiba nokdaktsü aser parnoki meimchir temeten ajemshia amshiba anema ola adokdaktsütsü nükjidong nung US Tadong Tir, Mike Pence Winter Olympics nung adentsü South Korea nung aruagi lir.
Pa tanü Rogonü America nunger asayartem ajungmesotsü asoshi Pyeongchang yimti tonga aru saka Pence-i ashiba agi, linük ana yagi (Two Koreas) wako ka kübok iba among nung shilem agiaka iba nungji nüburtem malangtsüla.
Iba asayamong nung shilem agiba ya North Korea den ken o jembitsü asoshi maongka tajunga ama mebilemtsüla kechiaser parnoki nuclear sentong anena mayu tashi ken o jembitsüji lenmang mali, ta South Korea Tir, Moon Jae-in aser Japan Ato Kilonser, Shinzo Abe na den senden balala amenba sülen Pence-i metetdaktsü.