NPF rongdak senden ayonger

Kohima, Aenjeti 19 (TYO): Election Commission of India-i Election anogotem sangdongba dak sendakba nung Party constitution nung Arrla Article V, clause 10 nung kü nem tashi agüja aliba nung ajemdaker party Tir, Dr. Shürhozelie Liezietsu-i constitution kübok Arrla 1V, Clause 3 (c) (ii) nung ajemdaker election atema terenemshiba asadangtsü aser tongtibang onük kar jembitsü atema Central Executive Council rongdak senden ka ayonger, ta tanü NPF Tir, Dr. Shürhozelie Liezietsu-i sangdong ka ajanga metetdaktsü.
Rongdak sendenji Aenjeti (January) 23, 2018 anüngdang 11:00 ako nungi Central Office nung amentsü, ta kasa sangdong nungsa shia lir.