NSBSG sempet agütsüba sentong agi

Dimapur, September 16 (TYO): September 16, 2017 nü Raj Bhavan nung Nagaland State Bharat Scouts & Guides (NSBSG) sempet agütsüba sentong agi.
Angh Acharya ya NSBSG indang Chief Patron lir aser pai 2015-2016 küm indang Rashtrapati Awardees agütsüba den Rajya Puraskar 2017 certificates lema agütsü.
Tanü agiba sentong nung Angh-i Bharat Scouts & Guides movement aser sempet angur ajak nem tenüngsang agütsü.
Scouts & Guides movement ajanga Nagaland nung shilem tulu agir aser lanurtem yimyatsüya tajungba yanglushitsür. Scouts & Guides-i loktiliba nung tesentaktep akangshitsür aser terenlok o azükaru lenmang nung anir, ta Acharya-isa shisem.
Tsünglanglen agüja aliba school tem nem Rajya Puraskar 2017 certificates agütsü:
Vidya Bhavan school Dimapur (10 guides & 4 scouts), Highland hall school Dimapur (4 guides), Assisi school (12 guides & 3 scouts), Naga united Govt. High school (4 guides), Good Shepherd higher secondary Kiphire (3 guides), Loyola Higher secondary Kiphire (3 guides & 1 scouts), El-Beth High school Kiphire (1 scout), Government higher secondary school (1 scout), Eastern Academy school Dimapur (4 scouts), Mezhur higher secondary school (4 guides & 3 scouts), Chandmari Higher Secondary school (5 guides), Coraggio School Kohima (1 scout), Little flower higher secondary school (6 guides), Baptist high school Kohima (6 guides).
Maneni 16 scouts & guides nem Rashtrapati Awardees for the year 2015-2016 agütsü.
Sentong nung mendenji Principle Director School Education & Vice President NSBSG, Smita Sarangi (IAS) liasü, State Chief Commissioner NSBSG Atou Mezur-i Scouts and Guides training agiba osang lemsatep aser State Organising Commissioner (Guide) & NSBSG, Vimezhonu Tetso compere liasü.
Sentong nungsa Mezhur Higher Secondary School Kohima kaketshirtemi ken ka aten,
Joint Director School Education & State Secretary, NSBSG Chubanungla-i anküp tepela o jembi.