NSCN-IM-i saru magütsürtem amokmerenba magizüker : NC

Dimapur, July 7 (TYO) : Naga Council Dimapur-i Naga yimten ken o atema inyakba mapaji ozüngi melaba mapa lir ta temulung ajak agi agizüker saka ano Naga nunger lennirtem amokmerenba magizüker.
July 4, 2015 nü NSCN-IM-i osangkaket nung sangdongba ajanga parnok Naga nunger yimten ken o atema tanirtem ta kuli agütsüba den meputep, ta NCD-i sangdong ka nung metetdaktsü.
Saru magütsürtem tepsettsü ta amokmerenbaji magizüker aser India sorkar den yimjung olemtep kayonga aruba telok kati iba amala o jembiba angashidang Naga Council temulung züreper.
Ibala olen jembiba ajanga Naga nunger public-i Naga yimten teloktem senzüka toktsütsü akok aser ibaji ajanga Naga yimten dak sendakba maparen nung tetsükdaktsü ajurutsü. Anungji sen sarusajiba atema telok balalai süoki ia bilema ola adokbaji ozüng anemertem ama mezüngshitsüla, ta NCD mendenpurtemi sangdong nungsa shia lir.