Nü mulungjang shidak lir ma ?

“Kü dang, Kibuba, Kibuba ta ajar shiai kotak yimli-i, aitsü masü, saka shibai kotak nung aliba kübui mulungba ama inyakdir, pa aitsü.” Mathi 7:21
Tabensaba shinga mali ta Laishibai ashir (Rom 3: 10) Tsüngrem dang tabensa. Saka shirnoki pei aibelenba meteta tatok meshia Tsüngremi mulungba inyaktsü jangrar itemji Tsüngrem mulungjang nung teti alir. Khristan akümba tetezü nai aser ni Khrista nung taküm tasen lir (2 Kor. 5: 17). Atangji, Tsüngremi asen mulungjang repranger, “Kü mulungjang nung aliba aser Ni mulungba ajak inyaktsü nai jangraba nguogo” shitettsüsa na lir mali?
Tsüngremi asen taküm agizüktetsübaji, mezüngbuba tamang meraji, Khrista asen mulungjang nung agizüka asen taküm nung Kibur aser Kümtetdakba kümdaktsubaji lir. Nai sarasadema iba mera agitsü akok, Yisu, Nai ni temenen nisung ta metet aser ni kü temenen nungi temulung meyipa Ne sülen anidakner. Na kü menen asoshi asü ta ni metet, aser ni atema temenen tasüba madak takok ngur shia aru, aser ni Na kü Kümtetdakba ta agizüker. Kü dangi Na aitang, aser Ne dang tashi anga tanu nungi Ne sülen anidaktsü yariang.
Sarasadem : O Tsüngrem, Kü mulungjang agi aiben Nü tsüngdang aibelenogo, saka tanü Nai kü mulungjang bushitsü maongka agütsü nung Ne tenüng asanger. Amen