O2 arena nung Metallica-i otsü tasen yanglu

London, October 27 (Agencies): London nung aliba The O2 arena nung Metallica teloki ‘attendance record’ tasen yanglushi.
‘Nothing Else Matters’ ken atener teloki Mongulbar aonung (24.10.17) United Kingdom yimtiba nung fan 22,211 matsüngdang ken aten aser 2016 küm Muse teloki nisung 21,000 jakdang ken tena otsü yanglua aliba raksatsü.
‘Time Is Running Out’ ken atener telok indang stage ya 360-degree nung yanglua Metallica nung züngsem Robert Trujillo, Lars Ulrich, James Hetfield aser Kirk Hammett nungertemi parnok indang ‘WorldWired’ tour atema ‘in-the-round’ stage nungi ken aten.
Iba rock ken atener telok ya arena tiyong nungi ken aten aser iba ajanga nisung tali menteta otsü tasen ya yanglutet.
‘Sad But True’ heavy metal ken atener mongintem nem iba otsü tasen yanglutetba sempet ya iba sentong yanglur tekolakba Christian D’Acuna-i agütsü.
“The O2 nung Metallica-i kenten sentong anaben ayonga agiba nung adentsü arurtemi otsü tasen yangluogo. Heavy metal rock ken atener telok iba tesem nung host asüba ya kongang amai bilemer aser parnoki nüburtem kodanga mejashidaktsüi parnok indang career mapang yangluba ken tajungtem tenogo,” ta Christian-i ashi.
“The O2 nung taküm ya rock ken atener atema küm tajung ka liasü aser iba stage ya Green Day aser Foo Fighters temi lapoktsü aser anu Queens Of The Stone Age aser Deep Purple nungertem arutsü lir, aser tarutsü nunga iba show kasa jenjang nung akatsü imla atar,” ta pai shisem.