Ochiba aser taochi na külemi

“Kibubaji tajung lir, timtem anogo nung tashi tait mitsa ka. – Nahum 1:7
Nisung ka okadak nokdakdang pa mesüra laji obendanger ket nung bendanga agüjatoker, Obendanger jagi kechi ozüng meladir iba nungji tai mesüra temeten ajangzüktsü. Nisungbaji aitsüra aibelenba alang ozüng ajanga merenshitsü. Nahum kaket nung Tsüngremji asen jenokdak aser obendanger ka ta shia lir. Lai jagi ashir, “Kibubaji tajunglir, nüngdakba mapang nung Pa as en jenokdak” (l :7). Küm noklang ka jakdang Yonai Tsüngrem nungi tatok meshir külen Nineveh temoatsü nung liasü (Yona 3: 10). Saka Nahum mapang nung Nineveh anema temenen mapa inyaktsü tenzük aser Tsüngrem anema apuso (Nahum 1: 11).
Tsüngremi meimchir ajongtsü inyakbaji tesadanga memeteter. Aikati bilemer Tsüngremji Temeshi aser Pai asenok merenshitsü dang inyaker amai bilemer. Saka 1 Peter 2:23 nung yamai ashir, “Kodang Pa atala, Pai meyipa matala, kodang Pa timatem Pa tsüngken metsübudaktsü. Saka ochishia obendangba nem Pai pei sasa bendanga agütsü.”
Tsüngremji obendanger tulutiba, saka Yisu temeim ajanga asenoki Pa tsüngdangi marendaki oteter.
Sarasadem : Kibuba , Ne taochi aser temeim asoshi pelar. Amen.