October 17 nü Kohima nung Financial Inclusion Camp-Mudra Campaign agitsü

Kohima, October 14 (TYO): Nagaland sorkar Finance Department aser Regional Manager SBI & SLBC Convenor-i October 17, 2017 nü Capital Convention Centre, Kohima nung financial inclusion camp-Mudra Promotion Campaign ayonga agitsü.
Iba sentong nung tongti tesemdangerji Union Minister of State for Human Resource Development, Upendra Kushwaha aser tetushi tejaokerji Nagaland state Health & Family Welfare Minister, Imkong L. Imchen asütsü.
Nagaland Chief Secretary, Pankaj Kumar, IAS-i lokti pelaa agizükba o jembiba den külemi iba sentong ayongba nükjidong metetdaktsütsü.
AGM, SBI Kohima S.K Manual-i Mudra Loan Achievers den jembitsü aser DGM, SBI, Local Head Office, Guwahati, Anjali Lyndem Khyriem-i tepela anküp o jembitsü.
Sentong nungsa SLBC Team-i Mudra & Downloading BHIM app film sayaba den külemi transaction indang live demonstration agütsütsü.