Olive Totzü Tajangzük

1. Olive totzü ya olive süngdong nung atangba süngjang nungi agizükba totzü lir. Iba totzü nung omega-6 aser omega-3 fatty acids den Vitamins E aser K. lir. Olive totzü nung aliba temo aketba acid shilem 73 dang oleic acid ajar, aser iba ya temang anema alitsü atema kanga junger. Oleic acid ya ajanga zübo aser awakba ajema kümdaktsü aser cancer dak sendakba genes ajema kümdaktsür.
2. Olive totzü nung Antioxidants lir. Item antioxidants ajanga temulungjang tashidak densema tashidak tamajung aika nokdanger aser aneptsür.
3. Olive totzü ajemba ajanga ‘stroke’ asüba nokdanger. Tekoloki azü aoba nung timtem, azü telong akümba mesüra azü ayimba ajanga ‘stroke’ asür. Study balala aika ajanga olive totzü nung monounsaturated fats aliba ajanga stroke aser temulungjang tashidak balala nokdanger ta bushitetogo.
4. Olive totzü ajanga low blood pressure ajema kümdaktsür. Study ka ajangabo olive totzü ajemba ajanga blood pressure atema medical teyari nüngdakba shilem 48 ajema aküm, ta bushitet. Talisa extra virgin olive oil ajemba ajanga temulungjang nung teyari agütsür.
Nü dak temulungjang tashidak lira mesüra tetsü/tebou nungi temulungjang tashidak lira, nü chiyungtsü nung extra virgin olive oil densema achitsüla.
5. Olive totzü ajemba ajanga temang touzük timba makümer mesüra meyirar. Küm ana ser tesadang agia Spain nung college kaketshir 7000-i shilem agiba study ka ajanga, olive totzü tali ajemba ajanga temang touzük tali mekümdaktsür ta bushitet.
(Source Internet)