Pa den ajurutep

Saka aramesoang aser noktakang, kechiaser kechi otem nungsa Ni ne dangi adoktsü item indangji na tenzüker ka asütsü shimtettsü asoshi Ni ne madangi adokogo.  -T. Mapa 26:16
Tsüngremi ne taküm ajanga kechi inyaktsü nai memetetdang yongi Pai meteta lir. Tenyar Paul Damasca lenmang nung temulung memeyipdang, Yisui pa atema kechi renemtsüa aka ibaji meteter liasü. Pai temulung meyiper külenang iba sentongji jungkai adoka sayu. Pauli tajungtiba inyaker ta bilema Khristantem rishikangshi, saka temulung meyiper kulen Khrista shiba anema pai inyak tesülen Pa asoshi tongti osang abener ka aküm.
Paul mesüka aseni aiben ya Tsüngremi mulungba mapa asütsu ta bilema shi tangatetba ajanga inyaktsü meranger. Mapang teperi indoka sentong tapu aika inyaktsü merangdanger, saka Yisu Khrista ajurur kulen ang Pai asen dang shitakba Pa sendongji jungkai adoka sayur inyakba nung tejang jenti atangtsü.
Sarasadem : Kibuba, Na kü dangi adokang aser Ne sentongji sayuang. Ni Ne mapa inyaktsü mulunger. Amen