Pa tenüng tesüngmangtsü

” ….aser Yimsüsuba pa tabubang nung alitsü; aser pa tenüng Tesüngmangtsü, teshisadanger, Tsüngrem tashi tulusang, teti tatem maka tebu, yimjung Chuba Chir ta ajatsü” Isaia 9:6.
Isaia 9:6 nungji, ‘Pa tenüng tesüngmangtsü’ ta asenoki shia angur. Iba ‘Tesungmangtsü’ tenüng ya ‘Yisu’ ta liasü. Tsüngrem alimai shi kümer aru aser alima nung aliba sobaliba tenüng agi pa taküm a tenzük. Yisu nem jatsüba tenüng yagibo nisung taküm ka rangben melenshidaktsür. Kechiyong iba tenüng nung Tebu Tsüngremi meimchir temenen ajunga alepbanger kangki dong nung angenlok… . Iba ya Tesüngmangtsü ka!! Tsüngremi ajak yanglu, alima aser yangji aliba aser meimchir
Pa mesükba nung yanglu. Anungji Tsüngremji sobaliba ajak tenzükdak ta angateter. Atangji, Kechisa Tsüngremi yangluogo, ajaki Pa sentsüwangshitsütsü aser Pa tushitsü asoshi lir. Pauli yamai ashir, Kechiyong ni nisung ajak nungi nüchi liaka, ni nisung tali ajangzütsü ni ajak lar aküm… (1 Kor 9: 19-21). Yamaji Pauli limapur ka Tsüngrem dangi anir arutsü mechi sobaliba ka nungi ka ta melenshi. Sobaliba melenshitsü akok, saka Tsüngrembo memelenshir, Tsüngrem o ajanga koba tim masü ta ashir aji teti tim masüba asütsü.
Sarasadem : O Tsüngrem na tesüngmangtsü Tsüngrem lir! Na alaka shinga mali aser Nü tashi agi dang ajak akoktsü onoki amanger. Amen