PadMan film sayatsüba anogo melenshir

January 19, 2018 (Agencies): Osang ka ajanga ashiba agi, Akshay Kumar-i tongti shilem agiba film PadMan sayatsüba anogo melenshiogo. R Balki indang film ya Republic Day nung sayatsüba liasü saka Sidharth Malhotra indang film ‘Aiyaary’ den metsükteptsü atema anogo ka agi jilia Aenjeti 25 nü sayatsüba liasü.
Ajisüaka trade analyst Komal Nahta-i tawa tweet asüba ya shidak süra iba film yangluri meneni iba film ya kanga dang mepet mesü adoka aliba film ‘Padmaavat’ den box office nung metsükteptsü asoshi anogo tanaben melenshiogo. Padmaavat film ya Aenjeti 25 nü sayatsü asoshi renema lir.
Nahta-i Twitter nung yamai zülutsü: “Breaking news: Pad Man sayatsüba anogo Tsüklai (February) 9-i belener tuogo. Aenjeti 25 nü Padmaavat film kija sayatsü.”
Ajisüaka PadMan film yanglurtemi tang tashi iba osang dak sendakba nung osang tejangja ka agüja mali. Iba biographical comedy-drama ya Tamil Nadu nung amenoker alisang Muruganantham indang taküm otsü nung ajemdaker yangluba film ka lir, shibai ajaki atutsüsa yimdak nung aliba tetsürtem atema sanitary napkins yanglutet.
Tawa ang ano Aiyaary film yangluri parnok indang film ya Tsüklai (February) 9-i belener atutsüba telemtetba agi.
Taoba mapang nung Akshay dang Bhansali indang period film den PadMan film sayatsüba anogo tsüktepba indang asüngdang dang, pai ashiba agi, “iba ya tetoktepba ka masü. Iba ya anogo aser hopta tongtibang ka lir, anungji film ajak kanga junga sayatettsü. Film anaprongla ya anogo ka nung sayatettsü. Film ajak ya film yanglurtemi kodang sayaner idangji sayatsü.”
PatMan film nung Sonam Kapoor aser Radhika Apte natia tongti shilem agir aser iba film ya Akshay kinungtsü Twinkle Khanna-i produce asüba mezüngbuba film asütsü.

You must be logged in to post a comment Login