Pakistan-i points 2-1 agi Sri Lanka madak Test series kokogo

Pallekele, July 07 (Agencies): Tesüiba Pakistan captain, Younis Khan-i runs 171 tashi yangluba yong par Pakistan-i wicket 7 agi Sri Lanka madak tasembuba Test series asaya tanü Mongolbar nü kokogo.
Tanü takok anguba densema Pakistan-i asaya 3 densemba Test series nung points 2-1 ngua Test series-ji akoker lir.
Pakistan asayartemi Sri Lanka teloki yangluba runs 377 ajangteta tanü runs 382 tashi yanglua takokbaji angu.
Pakistan skipper Misbah-ul Haq-i tanü runs 59 yanglua par telok nem takok bener arutsüba ajanga par teloki taoba mapang, 2009, 2012 aser 2014 nunger nung tamakok anguba kepzükteta liasü.
Pakistan-i tanü takok anguba sülen Sri Lanka nung ayongba Test asaya indang inning 4 buba nung runs 300 dak tema yanglua takok angur mezüngbuba tesemdanger telok kümogo.
Pakistan aser Sri Lanka nati limited-overs yimya nung asaya 5 densemba One-Day Internationals (ODI) maneni asayaba sülen Twenty 20 (T20) asaya 2 tashi tan Honibar nü nungi tenzüka asayatsü renema lir.