Para Legal Volunteers-i metetdaktsür

District Planning Machinery, Mokokchung: Nagaland ajanga langzüba RTI NO.DPLN/MKG/RTI/2007/100 anogo 21/12/17 nung 22 Arkakong AC kübok LADP sen amshiba telangzüba agütsüba dak ajemdaker onok Para Legal Volunteers-temi tsüngtong oa reprangdanger mapa inyakba mangu, aser nübur nungi “LADP sen ya party sen, anungji shiri meshia chitetdir kecha mali” ta asüba ola dang aru, anungji onoki “LADP sen nungi mapa meinyaki sen agizüker party sena ta ashibaji tim asü masüar onoki Police nem FIR agütsütsü, idangji dang nenok tsüngda olemtep ang” ta shir toktsüba tanü mapa küma 22 Arkakong AC kübok inyaksangshiba nung temulung masüba den mapa inyaka makaba yong 22/01/18 anogo Nagaland Police dak temulung lema FIR benoktsü renema lir.
Kasa iba anogo nungsa Social Welfare Department-i tasür kibong nem National Family Benefit Scheme ajanga 20,000 agütsütsüba sürnung tasüra süngla mezüngmeshia parnok tenüng nung sen agizükba puteta lir, iba kenoa FIR agütsütsü. Matamabensar aser tantsür tambur meyong nunga meshitak lir, saka item keno metenzükdang tajangzük asoshi tasür dena amshiba ya koda tesasatsüka!.
District Planning Machinery, Mokokchung PIO ajanga langzüba nung ajemdaker 22 Arkakong AC kübok tsüngdong oa reprangdangba rongnung 2014-15 küm Renovation of Log Drum shed- Changtongya- Imti & Party Rs 1 lakh ta zülua liasü, Changtongya litsü nung süngkong ana lir, anaprong nungi telidak puri iba mapaji inyaka mali ta kuli agütsü aser iba mapa inyakba beneficiary tenüngji memetet.
Ano Changtongya nungsa 2015-16 küm Const. of culvert near Tia’s residence – Rs 1 Lakh aser 2016-17 küm Renovation of drainage near Nungsang’s residence- Rs 50,000 ta zülua liasü, saka item tesemji kongar tejangja PIO ajanga melangzütet.
Unger yimdak Horti Farming asoshi nisung pongu nem lakhs kaka agütsü (total 5 lakhs), saka item tenüng aser tebu tenüngtemji yimeri memetet. Tanüngba mapa inyakba ajak nungji temulung alemtsüsa mali nungji iba keno Police nem bendanga agütsütsü. LADP nungi 22 Arkakong AC kübok mapa inyaker aser tajangzük angur ajak tenüng tesatang, shibar mejangjatettsüsa dang amshia lir.
India nung state shia nütsüng nübu asadangba nung Police timtiba aliba state-ji Nagaland lir, anungji Nagaland Police dak temulung lemteta item keno benoktsü, aser ano nüburtemi kodanga mangashidangi aliba ashikülak mapa inyakba Department ishika jungkai adoktsütsü renema lir, ibaji kecha agia songtemtsü makoktsü, kechiyong parnoki sensaker aser makamaiter dang nungi rakzükraktemer parnok ki anüng ajak tongdanga chuba ki den aiteptsüsa yanglua lir, parnok kidang sen indokbaji parnok ita ka senji kenü nung indoker, parnok takar akümba asoshi tenükmeremer masü, saka parnok akatsüba den talila kar.

Sd/-                                                                                     Sd/-
S. T. Yapang Lkr                                                      Odi Jamir
Para Legal Volunteers