Peanuts aser peanut butter achiba ajanga asen temang nung teyari agütsür

Bushisüngdangertemi ashiba agi, asenok anogoshia chia ajemba nung ‘peanut’ aser ‘peanut butter’ densem achiba ajanga temang anema toktsütsü, kechiyong iba chiyongtsü ajanga temang nung teyari aika agütsür.
Nutritionist aser weight management consultant aser “Don’t Diet! 50 Habits of Thin People” zülula Kavita Devgan-i ashiba agi, temang nung teyari agütsüba temo tajung achiba ya asenok temang anema alitsü asoshi tongtibang lir.
“Nut butter tem tongtibangsa ‘peanut butter’ nung ‘unsaturated fats’ densema lir aser iba ajanga asenok temang amena aliba nung teyari agütsüba den külemi temolungjang nunga teyari agütsür. Maneni iba nung ‘fibre’ aser ‘protein’ densema lir, koba ajanga asenok talangka mayar. ‘Peanut butter’ nung ano antioxidant vitamin E, magnesium aser zinc densema lir,” ta Devgan-i ashi.
“Sodium ajema aliba peanut butter bushiang aser idakji shini inoker anogo shia spoon anana chiang,” ta Devgan-i ajungshi. Lai maneni iba chiyongtsü crackers aser apple mesüra carrot lanu den achi nung ajungtsü ta shisem.
Peanut butter Sandwich den meyokteper achiba ajanga temangi nüngdakba ‘protein’ aser temo tajung agütsür.
Peanut kicha nunga monounsaturated fatty acids (MUFA) aika keta lir koba ajanga azü nung ‘cholesterol’ tamajung ajema kümdaktsür aser ‘cholesterol’ tajungtem jenjang tali ajungkettsür. Maneni peanut ya ‘Vitamins E’ aser ‘Biotin’ nung takar lir. US nung Purdue University ajanga ngutetba agi, ‘peanut’ tazü achiba ajanga ‘cardiovascular’ tashidak adoktsü aliba nungi jenbua lidaktsür. Maneni iba chiyongtsü nung Niacin, Resveratrol aser Vitamin E densema lir, koba ajanga ‘Alzheimer’ aser tain akümdang adokba tashidak balala nokdanger.
Peanut nung ‘protein’ aser ‘fibre’ densema aliba ajanga asenok talangka mayar, koba ajanga asenok temang seret ajema kümdaktsüba nung yarir, kechiyong iba chiyongtsü chir mayaba ajanga tanga chiyongtsü tali achitsü nungi nokanger.
(Source – Internet)