Pei tashi yari agüjang

“Parnoki akokba yari mapa atema terizüngdak hon sen meyi rokerka, aser taribi pound meyi pungu, aser putir sobutsü noklangka agütsü. ” (Ezra 2:69)
Maneni II Korinth 8: 12 nung ashir, “Kechiyong tamasa mulungsoa lira, iba nisung akaba yari pa tenla Tsüngrem tsüngdang agizüker,”Nisung kati pa kechi maka aji magütsütet. Pei taküm, kibong, chirnur Iendong pang nung yur agütsüdima? Meimchir ka taküm nungji rongsen aser nüngdakba aika lir ta Tsüngremia meteta dang lir. Item nüngdakbatemji asen tajungtiba nung ketdangsüa, nisung aser Tsüngrem tsüngdang küli tajung akatsüla. Na aser ni makaba nung agütsüra kechi tajung aser tajangzük alitsü? Asenoki asen taküm nung timi ketdangsüa lira aji agiang Tsüngrem yimli asoshi tajungba asütsü. Mapang kar nungbo asen mulung nung akaba dak nungi tali agütsütsü bilemtettsü akok saka mapang ka lir, koba nung Tsüngremi asenok tamang tentanga agütsütsü ne mulung nung jembir. Ne tamang ulushidaktsütsü asoshia Tsüngremi-a yimya balala nung jembir. Anungji, itemji angateta inyaka alitsü asoshi Tsüngrem den tesendaktep tali kati.
Sarasadem : O Kibuba, nüngdakba pur den yariteptettsü nai kü nem tangatetba tajung agüjangma. Amen

You must be logged in to post a comment Login