Peter Andre aser Emily MacDonagh na kibong kümogo

Peter-Andre1--d

July 12, 2015: ‘Mysterious Girl’ ken atensang Peter Andre aser tetong, Dr. Emily MacDonagh na yashi (11.07.15) South West England, Exeter nung kibong kümogo.
Tena chir arishi ita 18 jala Amelia lir.
Tena kibong akümba tesem, Puond sen million 9.5 jenjang Mamhead House ya UK nung Georgian houses tajungtiba rongnung densema lir, aser sobaliba yimya nung kibong akümtsü asoshi tesemji kanga tapet.
Kiyimba sentong asoshi Peter-i sentong kangabo memetetdaktsüi liasü.
Tawa pai, ”Iba ya (kiyimba) teti agia sangküm ataloktsü ta jembia aru. Ajisüaka künati taküm inyakogo (kibong kümogo), kechiyong ibaji tajungtiba ta ni bilem,” ta ashi.
”Ni tebur ka aser ni sentong aika meyangluteter,” ta paisa ashi.
Iba kiyimba sentong nung tejaokertem asoshi pai ken tentsütsü, ta tamalen osang ka angashia liasü.
Osang ka ajanga, “Nisung ajak dak party tejangraba alitsü asoshi pai ajungmesoba ken tajung kar atentsü bilemdagi,” ta ashi.
Peter aser Emily kiyimba sentong nung Peter mezüng kinüngtsü Katie Price den sosema aliba arishi küm 8 jala Princess flower girl liasü aser jabaso Junior-i (10) pageboy shilem agia liasü.

You must be logged in to post a comment Login